Hau isin-rua no hakarak hatene wainhira mak bele foti licença?

Normalmente, ita-bo’ot bele foti cuti/licença 11 semana antes bebe moris.

Se karik bebe moris sedu liu, ita-bo’ot nia cuti/licença mos bele hahu sedu.

Hau iha direito foti cuti/ licença semana hira?

Bain-bain bele foti cuti/licença too 52 semana, maibe dala-ruma la to’o 52 semana depende ba ida-idak nia circumstancia.

 

Atu hatene liu tan, hare link iha kraik nee:

https://www.gov.uk/maternity-pay-leave/leave

https://www.citizensadvice.org.uk/work/maternity-and-parental-rights/check-your-maternity-and-parental-rights/

​

​

Hau nia cuti/licença hotu ona no hau hakarak fila fail ba serviso, maibe hau nia oan sei kiik oan lo'os. Oinsa hau bele fila fali serviso?

Ita bele hetan ajuda husi Estado hodi selu Creche (Nursery) ba labarik nebe seidauk too tinan 18. Bele reklama husi:

• Tax credit

• Tax free childcare

• Universal credit

• Help while you study (Ajuda wainhira ita-boot eskola)

 

Ita mos bele hetan oras balun free husi Creche wainhira labarik tinan 2-4. Ita bele reklama oras free nee husi:

• Free educasaun no Creche ba labarik tinan 2

• 15 oras free ba Creche ba labarik tinan 3-4

•  30 oras free ba Creche ba labarik tinan 3-4

​

Atu hatene liu tan kona ba oinsa atu hetan ajuda ba Creche no hetan oras balun free, bele hare iha link iha kraik nee:

https://www.gov.uk/get-childcare

 

Kona ba asunto familia seluk tan, bele check iha link ida nee: https://www.citizensadvice.org.uk/family/